PRODUTOS DE CASTAÑA
Os nosos produtos de castañas son 100% naturais. Elabóranse seguindo receitas tradicionais e mediante procesos totalmente artesanais. Sen adición de ningún tipo de conservante nin colorante.
Empregamos unicamente castañas procedentes dos nosos soutos centenarios.
A nosa castaña está amparada polo Consello Regulador IXP Castaña de Galicia, o que nos permite vender os nosos produtos baixo a lenda "Produto elaborado a partir de IXP Castaña de Galicia". Para isto as nosas castañas deben cumprir uns parámetros de humidade, porcentaxe máxima de froitos tabicados, porcentaxe mínima de carbohidratos e número máximo de froitos por quilogramo.
Cada un dos nosos tarros leva unha contraetiqueta numerada que o identifica como único no mercado.
A recolección das nosas castañas faise manualmente, seleccionando unha a unha cada castaña. O resultado deste laborioso proceso é un produto de alta calidade e grande valor engadido.
MARMELADAS EXTRA
Marmeladas 100% naturais elaboradas seguindo receitas tradicionais e mediante procesos totalmente artesanais. Sen adición de ningún tipo de conservante, espesante, colorante nin outros ingredientes. Só froita, azucre de cana ecolóxico e zume de limón.
A súa cor, aroma, textura e sabor son o reflexo do seu alto contido en froita. Empregamos soamente froita de tempada no seu óptimo punto de maduración.
